Respublikaçılar Partiyasından prezidentliyə namizəd Donald Tramp seçkilərdə qələbəsini elan edib. O, keçirdiyi brifinqdə “Tarix yazdıq” deyib.

Tramp prezidentlik yarışındakı nəticəsini ABŞ tarixində tayı-bərabəri olmayan siyasi qələbə adlandırıb.

“47-ci Prezidentinizi seçdiyiniz üçün sizə təşəkkür edirəm. Bu qələbə Amerikanı yenidən böyütməyə kömək edəcək”, - Tramp seçicilərinə xitabən deyib.

O, tayı-bərabəri olmayan qələbə qazandığını bəyan edib. Tramp bütün problemləri həll edəcəyinə də söz verib.

ABŞ üçün "qızıl dövr" vəd edən Donald Tramp Senata nəzarəti bərpa etdiklərini vurğulayıb.

Tramp Ohayo ştatından olan 39 yaşlı senator Ceyms Vansı vitse-prezident vəzifəsinə təyin edilməsi münasibətilə təbrik edib.