Son 2 həftə ərzində London birjasında yer alan ən böyük Rusiya şirkətlərinin səhmlərinin dəyəri 98 faiz ucuzlaşıb. Bu barədə KİV-lər birja məlumatlarına istinadən xəbər yayıb.

“Qazprom”, “Sberbank” və “Rosneft” kimi şirkətlərin ümumi dəyəri 572 milyard dollar azalıb. “Qazprom”un səhmləri 98%, “Severstal” metallurgiya şirkəti – demək olar ki, 100%, “Rosneft”in səhmləri 65%, “Lukoyl”un səhmləri 98% ucuzlaşıb.

Rusiya birjalarında ticarət hələlik ümumiyyətlə aparılmır. Birjanın fəaliyyəti Rusiya Mərkəzi Bankı tərəfindən dayandırılıb.

Bundan əvvəl Sberbank Avropa bazarından çıxdığını elan edib, səhmləri 1 sentə düşüb.