Logo
news content
User
Kateqoriyalar

Xəbər

Rusiya Odessa vilayətində elektrik şəbəkəsini vurub, yaralılar var

Rusiya Silahlı Qüvvələri tərəfindən Ukraynanın Odessa vilayətindəki elektrik enerjisi infrastrukturuna 2 raket atılıb, yaralananlar var.

Bu barədə Odessa vilayətinin başçısı Maksim Marçenko öz “Telegram“ kanalında yazıb.

“Bu gün səhər düşmən qüvvələri vilayətimizin elektrik enerjisi infrastrukturuna 2 ədəd raket zərbəsi endirib və bunun nəticəsi olaraq Odessanın bir neçə yaşayış məntəqəsində işıq yoxdur”, - Marçenko qeyd edib.

Onun sözlərinə görə, yerli kommunal xidmət və Fövqəladə Hallar üzrə Dövlət Xidmətinin əməkdaşları partlayışın nəticələrinin aradan qaldırılması ilə məşğuldurlar.

“Ukrenerqo” və “D.TEK” şirkəti qısa zaman ərzində elektrik enerjisinin verilməsinin bərpası üçün birlikdə çalışır.