"QHT işi" üzrə ittiham olunan iqtisadçı, İqtisadi Tədqiqatlar Mərkəzinin sədri Qalib Bayramovun (Toğrul) cinayət işi üzrə məhkəmə prosesi başa çatıb. Sentyabrın 9-da Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən iclasda Q.Bayramova hökm oxunub.

Məhkəmənin qərarı ilə o, 2 il müəyyən vəzifə tutmaq qadağası qoyulmaqla, 8 il müddətinə həbs cəzasına məhkum olunub. Ona 3 il sınaq müddəti təyin edilməklə cəzası şərti hesab olunub. Eyni zamanda, barəsində seçilmiş polis nəzarəti altına vermə qətimkan tədbiri başqa yerə getməmək barədə iltizamla əvəzlənib.

Prokuror Q.Bayramovun 5 il sınaq müddəti təyin edilməklə 9 il müddətinə şərti azadlıqdan məhrum olunmasını istəmişdi. Q.Bayramov isə özünü təqsirli bilmir və ittihamları qəbul etmir.