Rusiya Prezidenti Vladimir Putin ölkənin Mərkəzi Federal Dairəsi və Cənub Federal Dairəsində yüksək hazırlıq səviyyəsi elan edib.

Kremlin saytı xəbər verir ki, dövlət başçısı bununla bağlı fərman imzalayıb.

Fərmana əsasən, ictimai asayişin təmin edilməsi və nəqliyyat vasitələrinin hərəkətinin məhdudlaşdırılması, habelə onlara texniki baxışın keçirilməsi gücləndiriləcək.

Sənədin 3-cü bəndinə əsasən, Rusiyanın təsis qurumları istisna olmaqla ölkənin Mərkəzi Federal Dairəsinə və Cənub Federal Dairəsinə daxil olan Rusiyanın təsis qurumlarının ərazilərində yüksək hazırlıq rejimi tətbiq edilib.

Rusiyanın təsis qurumlarının ən yüksək vəzifəli şəxsləri ərazinin müdafiəsi və mülki müdafiə üçün müəyyən tədbirlərin həyata keçirilməsi, əhalinin və ərazilərin mühafizəsi tədbirlərinin həyata keçirilməsinə dair qərarlar qəbul etmək, təbii və texnogen fövqəladə hallar, həmçinin Rusiya Silahlı Qüvvələrinin, digər qoşunların, hərbi birləşmələrin, orqanların və əhalinin ehtiyaclarının ödənilməsi üçün tədbirlər həyata keçirmək səlahiyyətinə malikdir.

Qeyd edək ki, yüksək hazırlıq səviyyəsi paytaxt Moskvaya da aiddir.