İsrailin Qəzza zolağında və Livanda atəşkəslə razılaşması İranın 26 oktyabr hücumundan sonra yəhudi dövlətinə qarşı cavab addımı atmaq qərarına təsir edə bilər.

“IRNA“ agentliyi xəbər verir ki, bunu İran İslam Respublikasının prezidenti Məsud Pezeşkian bildirib.

“Onlar yaxşı bilirlər ki, İran İslam Respublikasına qarşı hər hansı bir səhv etsələr, sarsıdıcı cavab alacaqlar. Yalnız atəşkəslə razılaşmaq və bölgədə günahsız insanların öldürülməsini dayandırmaq bizim necə və hansı qüvvə ilə cavab verəcəyimizə təsir edə bilər”, - ölkə rəhbəri qeyd edib.