“Azov” komandirinin müavini Svyatoslav Palamar “Azovstal”ı tərk edib.

Bu barədə Rusiyanın “Birinci Kanalı”nın müxbiri İrina Kuksenkova “Telegram” kanalında bildirib.

Onun sözlərinə görə, Palamar ona təhkim edilmiş fərdi silahlarını - pulemyotunu və tapançasını təhvil verib.

Qeyd edək ki, “Azov” komandiri Denis Prokopenkonun da “Azovstal”ı tərk etdiyi bildirilir. Ukrayna hələlik bu məlumatı təsdiqləməyib.

Bundan əvvəl Rusiya mətbuatı 36-cı dəniz piyada briqadasının komandiri Sergey Volınskinin “Azovstal”lı tərk etdiyi barədə məlumat yayıb.