Avropa İttifaqı Şurasının Prezidenti Şarl Mişel Ukraynanın Odessa şəhərinə səfərə gedib.

Bu barədə siyasətçi Twiter-də yazıb.

“Puşkinin “sən Avropanı hiss edə bilərsən” dediyi Odessada Avropa Gününü qeyd etməyə gəlmişəm. Bu gün Ukrayna xalqı öz abidələrini güllə, raketlərdən, öz azadlığını isə Rusiyanın təcavüzündən qoruyur. Sən yalnız deyilsən. Avropa İttifaqı sizinlədir”, - Şarl Mişel vurğulayıb.

Avropa Şurasının Baş katibi Mariya Peyçinoviç Buriç Kiyevə səfər edib.



Bu barədə Ukrayna xarici işlər naziri Dmitri Kuleba bildirib.

"Avropa Şurası Baş Katibi Mariya Buriçi Kiyevdə qarşılamağa şadam, onun rəhbərliyini, AŞPA və üzv dövlətlərin Rusiyanın Ukraynaya təcavüzünə cavab olaraq AŞ çərçivəsində qəbul etdikləri mühüm qərarları yüksək qiymətləndiririk. Biz Rusiyanın törətdiyi cinayətlərə görə cavabdehlik daşıması üçün gələcək addımları müzakirə etdik", Kuleba bildirib.