“Təhsillə yüklənməyib. Güləşçi vücudu var. Bütün atıcı silahlardan istifadə edə bilir, - Anna Politkovskaya 27 yaşlı Ramzan Kadırovu atasının ölümündən bir neçə gün sonra belə təsvir edirdi. - Ramzan yalnız müharibə adamıdır. Çeçenistanda hər kəs bilir: Ramzan qəddarlıqla və büdcə pullarına tamahla “məşhur”dur. O, sülhün lideri olmağa qadir deyil. Bacara bildiyi yeganə amplua - siyasi qanqsterdir”. 

Ramzanın atası Əhməd Kadırov yaxşı mühafizə olunan Qroznı stadionunun tribunasında mayın 9-da həlak oldu. Prokurorluğun iddiasına görə, terrorçular oturacağın altına iki fuqas və plastit doldurulmuş plastik butulka qoyublar. Kadırovla birlikdə daha yeddi nəfər həlak oldu. Ümumiyyətlə, terror aktı zamanı 50-dən çox adam zərər gördü. 

Əhməd Kadırovun öldüyü gün onun oğlunu Kremldə Vladimir Putin qəbul etdi. Putinin Kadırova təsəlli verdiyi və dəstək vəd etdiyi görüşün görüntüləri çoxlarının yadında qaldı.

“9 mayda arxada qalan tarixin əsas mirası, əlbəttə, Ramzan Kadırovdur, öldürülənin oğlu. Şəxsiyyət kimi yox, prosesin mahiyyəti kimi”, - Politkovskaya yazırdı. Respublikanın gələcək rəhbərinin siyasi karyerası belə başladı.