Rusiyadan uzaqlaşaraq Qərbə doğru yaxınlaşma yolunu tutan Ermənistan Türkiyə ilə də münasibətlərini yaxşılaşdırmaqda davam edir.

Zəlzələnin ilk günlərində Türkiyəyə xilasedicilər və yardım göndərən, Xarici İşlər naziri Ararat Mirzoyan səviyyəsində səfər təşkil edən və Prezident Rəcəb Tayyib Ərdoğana başsağlığı verən baş nazir Nikol Paşinyan bu dəfə fərqli addım atıb.

Pressklub.az Ermənistanın “Past” qəzetinə istinadla xəbər verir ki, Ermənistanın Baş naziri Nikol Paşinyan Türkiyə Prezidenti Rəcəb Tayyib Ərdoğanı doğum günü münasibətilə təbrik edib.

Məlumata görə, Paşinyan öz təbrikini Türkiyə və Ermənistan arasında münasibətlərin normallaşması üzrə xüsusi nümayəndələr Ruben Rubinyan və Serdar Kılıç vasitəsilə çatdırıb.

Xatırladaq ki, fevralın 26-sı Ərdoğanın 69 yaşı tamam olub.