Dağıstanlı müstəntiqləri Xəzər dənizi sahillərində 18 nəfərin qalıqlarının aşkar edilməsi ilə bağlı araşdırmaya başlayıblar.

Pressklub.az Rusiya KİV-nə istinadən xəbər verir ki, bu barədə Rusiya Federasiyası İstintaq Komitəsinin Respublika üzrə İstintaq İdarəsinin mətbuat xidməti məlumat yayıb.

"Xəzər dənizinin sahilində 18 insan skeleti aşkar edildikdən sonra RF İstintaq Komitəsinin Dağıstan Respublikası üzrə İstintaq İdarəsinin müstəntiqləri yoxlama təşkil ediblər", - nazirlik bildirib.

İlkin olaraq müəyyən edilib ki, qalıqlar XX əsrin 30-cu illərinə aiddir. Onların kəlləsində  güllə izləri var.

Bundan əvvəl sosial şəbəkələrdə Mahaçqalada yerli istirahət mərkəzinin yaxınlığında 18 nəfərin qalıqlarının tapıldığı barədə məlumat yayılıb.

Qeyd edək ki, insan qalıqları hazırda Rusiya Federal Təhlükəsizlik Xidmətinin fəaliyyətdə olan bazasının yaxınlığındakı çimərlikdə aşkar edilib.