Ukraynada müharibə davam edir.

Azərbaycanlı jurnalist Mübariz Aslanov Ukraynadan son məlumatları çatdırıb.

O bildirib ki, Ukraynanın mərkəzi, cənub, şərq vilayətləri uzaqmənzilli raket hücumlarına məruz qalıb.

Məlumata görə, Dnepropetrovsk vilayətinin Pavloqrad şəhərində kimya zavoduna endirilən zərbə nəticəsində ekoloji böhran yaranıb.

Həmçinin qeyd olunub ki, ötən gün Xerson və Zaporojye vilayətlərində də vəziyyət gərgin olub.

O da bildirilib ki, Zaporojyedə 30 yaşlı azərbaycanlı Ruslan Cəfərov “Vaqnerçilər” tərəfindən işgəncə ilə qətlə yetirilib.

“Həmin ərazidəki “Vaqnerçilər” evindən Ukrayna Silahlı Qüvvələrinə məxsus şevron və Ukrayna bayrağı tapdıqlarına görə ona işgəncə veriblər. Bildirilir ki, həmyerlimiz döyüşlərdə iştirak etməyib”.