Könüllü olaraq cəbhəyə yollanmış ukraynalı müfti Said İsmaqılov Baxmutda dağıdılmış məscidin fonunda Quran oxuyub.

Görüntülər qısa müddət ərzində “Telegram” kanallarında çoxlu baxış sayı yığıb.

“Bu bizim məsciddir, Ukraynanın Baxmut şəhərinin məscidi. Biz Ukraynanın müsəlmanlarıyıq və bura bizim torpağımızdır, bu isə bizim məscidimizdir”, - Said İsmaqılov Quran ayəsini oxuyub bitirəndən sonra söyləyib.

Qeyd edək ki, Said İsmaqılov Ukrayna müsəlmanlarının keçmiş baş müftisidir. O, müharibə başlayandan sonra postunu qoyaraq, döyüşə yollanıb.