Rusiya qoşunları Ukrayna ərazisindən çıxarılmayana qədər “dərhal atəşkəs” bəndlərini ehtiva edən “sülh planları” ola bilməz.

Pressklub.az xəbər verir ki, bu barədə Ukrayna prezidenti aparatının rəhbərinin müşaviri Mixail Podolyak Twitter-də yazıb.

“Dərhal atəşkəs” zamana qurulmuş saatlı bombadır. Rusiya Federasiyası münaqişəni dondurmaq, işğal olunmuş ərazilərə nəzarəti saxlamaq və hərbi gücü bərpa etmək üçün bunda təkid edir. Biz 9 ildə “atəşkəs”in qanlı qiymətini başa düşdük. Ona görə də, Rusiya qoşunları çıxarılana qədər heç bir “sülh planı” yoxdur”, - deyə o bildirib.