Ukraynanın Baş naziri Denis Şmıqal ABŞ müdafiə naziri (Pentaqon rəhbəri) Lloyd Ostin ilə danışıqlar aparıb və Qərbi Ukraynaya “F-16” qırıcıları göndərməyə çağırıb.

“RBC-Ukraina” xəbər verir ki, bu barədə Ukrayna hökumətinin başçısı görüşün yekununda bildirib.

“Biz bu müharibədə qalib gələcəyik. Lakin buna daha tez və daha az itki ilə nail olmaq üçün Ukraynanın hələ də intensiv hərbi dəstəyə ehtiyacı var”, - Ukrayna Baş naziri vurğulayıb.

Eyni zamanda, L.Ostin konkret istəkləri şərh etməyib, lakin ABŞ-ın Ukrayna üçün silah istehsalını artıracağına söz verib.

“Hasilatı daha da artırmaq üçün müdafiə sənayesi bazamıza sərmayə qoymağa davam edəcəyik”, - Pentaqon rəhbəri deyib.