Türkiyə XİN Avropa və ABŞ-dakı vəziyyətə görə bu regionlara səfər edən vətəndaşlara xəbərdarlıq edib.

Məlumat Türkiyə XİN-in tvitter səhifəsində yerləşdirilib.

Bildirilib ki, Avropa ölkələrində irqçi hücumlar, islamofob və antitürk təbliğat geniş vüsət alıb. Bu səbəbdən Avropada yaşayan və ya ora səfər edən Türkiyə vətəndaşlarına maksimum dərəcədə ehtiyatlı olmaq tövsiyə olunub.

Nazirlik eyni zamanda ABŞ-a səfər edənlərin etiraz aksiyalarından uzaq durmalarını tövsiyə edib.