Səhiyyə Nazirliyi artıq Bakı Sağlamlıq Mərkəzində uşaqların könüllü xarakterli vaksinasiyasına başlayıb.

Bu barədə “Tibbi Ərazi Bölmələrini İdarəetmə Birliyi” Publik Hüquqi Şəxsin (TƏBİB) İdarə Heyətinin sədri vəzifələrini icra edən Vüqar Qurbanov Milli Məclisin Səhiyyə komitəsində keçirilən “Koronavirus infeksiyası (COVİD-19) ilə bağlı ölkədəki mövcud vəziyyət, vaksinasiya və görülən digər tədbirlər barədə” dinləmədə deyib.

O uşaqların “Pfizer” vaksini ilə peyvəndlənməsinin səbəbini açıqlayıb: “Bu yaş qruplarına bu vaksinin vurulması elmi sübutlarla təsdiq olunub. Ona görə də bu tədbir həyata keçirilir”.