Logo
news content
User
Kateqoriyalar

Xəbər

Rusiya Karneqi Mərkəzinin direktorunu axtarışa verib

Rusiya Daxili İşlər Nazirliyi (DİN) Karneqi Berlin Rusiya və Avrasiya Araşdırmaları Mərkəzinin direktoru Aleksandr Qabuyevi axtarışa verib. Aprelin əvvəlində "RİA Novosti" mənbəyə istinadən yazmışdı ki, ona qarşı iki maddə üzrə cinayət işi qaldırılıb: "arzuolunmaz təşkilat"ın fəaliyyətində iştirak və "xarici agent" vəzifələrinin icrasından yayınma.

Berlin Mərkəzi 2024-cü ilin iyulunda Rusiyada "arzuolunmaz təşkilat" elan edilmiş Karneqi Fondunun bir bölməsidir.

Çin və onun Rusiya ilə münasibətlərini öyrənən A.Qabuyev 2015-ci ildən Karneqi Fondunda işləyir. O, 2023-cü ilin mayında "xarici agentlər" reyestrinə daxil edilib.

Apreldə politoloq Yekaterina Şulman Berlin Karneqi Mərkəzi ilə əməkdaşlığa görə 10 min rubl cərimə olunub. O, "arzuolunmaz təşkilat"ın fəaliyyətində iştirakda ittiham olunub.