Finlandiya Rusiya ilə sərhədini çəpərləyir.

Pressklub.az-ın ölkə mediasına istinadən məlumatına görə, İmatra bölgəsindəki nəzarət-buraxılış məntəqəsinin yaxınlığında hələlik üç kilometrlik "pilot" hissə tikilir. Məqsəd seçilmiş materialların hava şəraitinə necə tab gətirdiyini yoxlamaqdır. Keçid məntəqəsinin hər iki tərəfində müəyyən ərazidə ağaclar kəsilməyə başlayıb.

Mart ayı ərzində hasarın tikintisi, sonrakı aylarda isə müşahidə üçün avadanlıqların quraşdırılması həyata keçiriləcək. Sərhədin cənub-şərq hissəsindəki 3 kilometrlik hasarın iyunun sonunadək tikilib başa çatdırılması planlaşdırılır.

Hasarın “sınaq” hissəsinin tikintisi və avadanlığının dəyəri 6 milyon avrodur.

Gələcəkdə hasarın Finlandiya və Rusiya arasındakı quru sərhədinin təxminən 1300 kilometrindən 200 kilometrə qədər uzadılması planlaşdırılır.