“Pekin Ukrayna prezidenti Vladimir Zelenski ilə Çin prezidenti Si Cinpin arasında ehtimal olunan görüş barədə konkret məlumata malik deyil. Lakin biz Ukrayna münaqişəsi ilə bağlı bütün tərəflərlə əlaqə saxlamaq niyyətindəyik”.

Pressklub.az xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Ninq bildirib.

“Çin Ukrayna məsələsində bütün tərəflərlə, o cümlədən Ukrayna ilə əlaqə saxlayır. Konkret təfərrüatlara gəlincə, məndə heç bir məlumat yoxdur”, - o bildirib.

Qeyd edək ki, Ukrayna Prezidenti Volodimir Zelenski Ukraynada Çin prezidenti Si Tsinpinlə görüşməyə hazır olduğunu bəyan edib. “Biz onu burada görməyə hazırıq. Onunla danışmaq istəyirəm”, - deyə o, vurğulayıb.