Pakistanın Bəlucistan əyalətində avtobusun dərəyə aşması nəticəsində azı 40 nəfər ölüb, 8 nəfər yaralanıb.

Bu barədə "Dawn" nəşri məlumat yayıb.

"İlkin məlumatlara görə, qəza nəticəsində 40 nəfər ölüb, 8 nəfər yaralanıb", - Bəlucistan nazirinin media və siyasi məsələlər üzrə köməkçisi Şahid Rindin bəyanatında bildirilib.

Avtobus dərəyə aşan zaman salonda 48 sərnişin olub.

10:22

Pakistanın Bəlucistan əyalətində sərnişin avtobusu dərəyə aşıb, nəticədə azı 24 nəfər ölüb, 8 nəfər yaralanıb.

Bu barədə "Dawn" nəşrinə Şerani dairəsi komissarının müavini Valixan Kakar bildirib.

Onun sözlərinə görə, hadisədən dərhal sonra rayon administrasiyasının xilasetmə qrupları və təcili tibbi yardım maşınları qəza yerinə çatıblar.

"Xilasetmə işləri davam edir, yaralananlar xəstəxanaya çatdırılır", - o qeyd edib.