Azərbaycanda koronavirus (COVID-19) infeksiyasına 4 680 yeni yoluxma faktı qeydə alınıb, 2 134 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, analiz nümunələri müsbət çıxan 27 nəfər vəfat edib.

59 nəfər isə vaksinasiya olunub. Gün ərzində birinci mərhələ üzrə vaksinasiya olunanların sayı 1, ikinci mərhələ üzrə vaksinasiya qeydə alınmayıb.

Ölkədə buster doza vaksinlərin sayına gəlincə, bu göstərici 58-dir.

Azərbaycanda bu günə qədər vurulan vaksinlərin ümumi sayı 12 218 614, birinci mərhələ üzrə peyvənd olunanların ümumi sayı 5 248 383, ikinci mərhələ üzrə vaksinasiya edilənlərin sayı 4 752 395 nəfər təşkil edir.

Ümumilikdə isə 2 217 836 buster doza vurulub.