“Alibaba Group Holding”in həmtəsisçisi, professor Cek Ma Tokio Universitetinin Tokio Kollecində fəaliyyətə başlayacaq.

Kollecdən bildiriblər ki, 58 yaşlı Ma, bazar ertəsi işə başlayıb və bir neçə sahədə töhfə verəcəyi gözlənilir. O, tədqiqat mövzuları üzrə məsləhətlər verəcək və xüsusilə davamlı kənd təsərrüfatı, qida istehsalı sahəsində tədqiqatlar aparacaq. Professor, həmçinin sahibkarlıq və innovasiyalarla bağlı seminarlar keçirəcək.

“The japan times” xəbər verir ki, Çinin ən tanınmış biznes liderlərindən biri olan Ma, 2020-ci ildə Çin tənzimləyicilərini tənqid etdikdən və onun həmtəsisçisi olduğu “Alibaba”nın törəmə şirkəti olan “Ant Group”, planlaşdırılmış ilkin səhm təklifini ləğv etmək məcburiyyətində qaldıqdan sonra ictimaiyyətin diqqətindən kənarda qaldı. Milyarder mart ayında Çinin Hançjou şəhərində yenidən bir dəfə görünüb.

“LightStream Research”in analitiki Oşadi Kumarasiri, "görünür, onun bir iş adamı kimi karyerası sona çatıb, o, bu sahədə uğur qazansa da, əvvəllər ingilis dili müəllimi kimi çalışıb və biznes fəaliyyətindən təqaüdə çıxdıqdan sonra müəllimliyə qayıtmaq arzusunu ifadə edib” deyə açıqlama verib.