Fransanın PSJ klubunun futbolçusu Lionel Messi klub səviyyəsində Avropada ən çox qol vuran Səudiyyə Ərəbistanı təmsilçisi “Əl-Nəsr”in hücumçusu Kriştianu Ronaldonun rekordunu yeniləyib.

Pressklub.az xəbər verir ki, argentinalı oyunçu Fransa Liqa 1-nin XXX turunda “Nitsa” ilə görüşdə fərqlənərək buna nail olub.

Komandasının 2:0 hesabı ilə qalib gəldiyi qarşılaşmada hesabı açan 36 yaşlı hücumçu klub karyerasında Avropada 702-ci qolunu vurub. Ronaldoda isə bu say 701-dir. Bu göstəriciyə çatmaq üçün dünya çempionu həmkarından 105 oyun az keçirib.