İspaniya "Real Madrid"i Fransanın PSJ klubunun futbolçusu Kilian Mbappe ilə şəxsi müqavilənin detallarını razılaşdırıb.

"The Athletic" xəbər verir ki, amma 24 yaşlı hücumçu hələlik "kral klubu" ilə sözləşməyə imza atmayıb.

Bu səbəbdən Paris təmsilçisinin rəhbərliyi fransalı forvardı fikrindən daşındırmaq üçün əlindən gələni edir.

Qeyd edək ki, daha əvvəl "Marca" nəşri "Real Madrid"in Kilian Mbappeyə illik 40 milyon avro məvacib təklif etdiyini və keçidin tamamlandığını yazıb. Futbolçunun PSJ ilə müqaviləsi cari mövsümün sonunda başa çatacaq.