"Manat sabitdir fikri yalnışdır. Manat yalnız ABŞ dollarına nisbətdə sabitdir. Son zamanlar Avroya nisbətdə dəyər qazanan manat indi itirməyə başlayıb. Bu dəyişiklik yalnız avroya deyil, həm də ingilis funt sterlinqə münasibətdə müşahidə olunur. Eləcə də son aylar rubla nistbətdə dəyər qazanan manat indi onu itirir. Türk lirəsinə gəlincə, manat ona nisbətdə xeyli möhkəmlənib. Hazırda manatın ABŞ dollarına nisbətdə sabit qalıb, Avroya və İngilis funt sterlinqinə nisbətdə dəyər itirməsi dünya valyuta bazarınd dolların mövqeyinin zəifləməsi ilə bağlıdır".

Bunu ekspert Qubad İbadoğlu bildirib.

"İqtisadiyyatda itirən varsa, qazanan da mövcuddur. İtkilər yalnız dövlətin valyuta ehtiyatlarının əriməsi ilə bitmir. Devalvasiyadan sonra 4 bank bağlandı, 2 bank isə birləşdi. Əhali, biznes arasında 10 min dollardan çox krediti xarici valyuta ilə götürənləri itkiləri indiyədək kompensasiya olunmur. Onların zərərləri hər gün artır. Əksəriyyət narahatdır. Çünki manatın məzənnəsi Azərbaycanda iqtisadı deyil, siyasi məsələdir. Müstəqli Mərkəzi Bank olmadığından sədrin açıqlaması belə ciddi qəbul olunmur. Digər tərəfdən də 2015-ci ilin ilk devalvasiyasından əvvəl "Manat sabitdir, heç bir dəyişiklik olmayacaq" deyən MB sədri Elman Rüstəmov çoxdan etimadını itirib. İndi onun nə deməsi maraqlı görünmür. Bu ilin və ya ayın ilk 15 günündə MB 3 valyuta hərracı keçirib və artıq Dövlət Neft Fondu 324,1 milyon dollar satışa çıxarıb. Göründüyü kimi orta satış məbləğ 108 milyon dollardır. Bu əvvəli ilin valyuta hərraclarının orta göstəricindən yüksəkdir" - Q.İbadoğlu qeyd edib.