Kimliyi bəlli olmayan şəxslər “Liverpul”un “Mançester Siti” ilə oyunundan sonra “qırmızılar”ın avtobusuna hücum edib.

Pressklub.az xəbər verir ki, bu barədə “The Sun” nəşri yazıb.

Məlumata görə, mersisaydlıların oyundan sonra evə qayıtdığı avtobus hücuma məruz qalıb. Nəqliyyat vasitəsinin pəncərəsinə kərpic atıldığı, nəticədə məşqçilər korpusunun nümayəndələrindən birinin xəsarət aldığı bildirilir. Polis hadisə ilə bağlı araşdırmalara başlayıb.

Xatırladaq ki, aprelin 1-də “Etihad” stadionunda baş tutan “Mançester Siti”- “Liverpul” qarşılaşması ev sahiblərinin qələbəsi ilə başa çatıb - 4:1.