Klublararası dünya çempionatının final oyunu keçirilib.

Pressklub.az xəbər verir ki, həlledici qarşılaşmada İspaniyanın "Real" və Səudiyyə Ərəbistanının "Əl Hilal" komandaları üz-üzə gəlib. Matç bol qollu olub. Belə ki, oyun ərzində qapılara 8 qol vurulub. Görüş “Real”ın 5:3 hesablı qələbəsi ilə yekunlaşıb.

Madrid klubunun heyətində Vinisius və Valverde dubl edib, digər qola Benzema imza atıb. “Əl Hilal”ın qollarının müəllifi isə Vyetto (2) və Mareqa olub.

Beləliklə, “Real” tarixində 5-ci dəfə klublarası dünya çempionu adını qazanıb.

Qeyd edək ki, turnirdə 3-cü yerin sahibi isə Braziliyanın "Flamenqo" klubu olub.