İsrailin Təl-Əviv şəhərində törədilən terror aktı nəticəsində 1 nəfər ölüb, 6 nəfər yaralanıb.

Pressklub.az xəbər verir ki, bu barədə "Kan" radiostansiyası məlumat yayıb.

Məlumata görə, terrorçu əvvəlcə avtomobillə bir neçə piyadanı vurub, sonra avtomobilindən düşüb və bir neçə nəfəri güllələməyə cəhd edib. Bundan sonra polis onu zərərsizləşdirib.

Dərhal hadisə yerinə çox sayda təhlükəsizlik qüvvələri və təcili tibbi yardım avtomobilləri cəlb olunub.

Məlum olub ki, ölən və yaralananlar xarici turistlər olublar. Onlar tibb müəssisələrinə yerləşdiriliblər. Həyatını itirən turist İtaliyadan gələn olub. Üç turistin vəziyyəti orta ağırdır, digərləri isə yüngül xəsarət alıblar.