Respublikaçılar Partiyasını dəstəkləməsi ilə tanınan “Fox News" telekanalı Donald Trampın ölkənin 47-ci prezidenti seçildiyini elan edib. 

Son məlumata görə, respublikaçı namizəd Donald Tramp 277, demokrat Kamala Harris isə 226 səs toplayıb.

Qalib gəlmək üçün namizədlər 270 seçici (elektoral) səsini almalıdırlar. Səslərin rəsmi hesablanması başa çatmayıb. 

Demokratları dəstəkləyən “The New York Times” respublikaçının qələbəsini 95%-dən çox ehtimalla mümkün sayır, The Hill onu yarışda artıq qalib hesab edir, CNN  proqnozlar vermir.