Şimali Kipr Türk Respublikasının Prezidenti Ersin Tatar “Kings College London”da konfransa gedərkən əllərində Yunanıstan bayraqları olan bir qrup yunan tələbənin hücumuna məruz qalıb.

Hücumla bağlı “A Haber”ə açıqlama verən Tatar, Kipr yunanlarının iğtişaş yaratdıqlarını deyib:

“İdarəyə təzyiq etdilər. “Türklər Kiprdən çıxın. Tatara ölüm” şüarları ilə önümüzü kəsdilər. Polis olmasaydı, bizə hücum edəcəkdilər”, - deyə o, bildirib.

Tatar bütün bunlara baxmayaraq, haqlı mübarizələrindən əl çəkməyəcəklərini vurğulayıb.