Beynəlxalq Qızıl Xaç Komitəsi Azərbaycana qarşı müharibə nəticəsində Ermənistanın itkin düşmüş vətəndaşlarının sayını açıqlayıb.

2022-ci ildə Beynəlxalq Qızıl Xaç Komitəsinin (BQXK) İrəvanda yerləşən nümayəndəliyinə itkin düşmüş şəxslərin ailələrindən 6 mindən çox müraciət daxil olub.

Pressklub.az “Sputnik Armenia”ya istinadən xəbər verir ki, bu barədə BQXK-nın sosial media hesablarında bildirilib.

Qeyd olunub ki, 2020-2022-ci illər münaqişəsi nəticəsində 309 vətəndaş hələ də itkin düşmüş hesab edilib.