Qarabağın altı kəndinin: Naxçıvanik, Xanabad, Pirlər (Xramort), Cyutcu (Maçkalaşen), Canyataq və Aranzəmin (Sərnağbyur) sakinləri təxliyə edilib. Bu barədə sentyabrın 19-u axşam saatlarında Ermənistan KİV-i məlumat yayıb.

Bu o demək ola bilər ki, Azərbaycan Silahlı Qüvvələri bu istiqamətlərdə irəliləyir.

Öz növbəsində Rusiya sülhməramlılarının  teleqram kanalı xəbər verir ki, 1800  mülki şəxs sülhməramlıların Xocalıdakı bazasına pənah gətirib. Görünür, bu, Ağdam rayonları ilə həmsərhəd olan 6 kəndlərin sakinləridir.

Ermənistan tərəfi həmçinin Azərbaycan Silahlı Qüvvələrinin bu gün başlayan antiterror əməliyyatı zamanı 25 nəfərin öldüyünü, 80 nəfərin yaralandığını bildirir.