Türkiyə Prezidenti Rəcəb Tayyib Ərdoğan müxalif Cümhuriyyət Xalq Partiyasının (CHP) sədri Özgür Özelə qarşı daha bir məkməmə iddiası qaldırıb.

“Anadolu” xəbər verir ki, iddiaya səbəb Özelin aprelin 9-da Şişli bələdiyyəsi qarşısında etdiyi çıxışda işlətdiyi ifadələr olub.

Məlumata görə, iddia 500 min lirə məbləğində mənəvi təzminat tələbi ilə açılıb.

Xatırladaq ki, aprelin 8-də Ərdoğan Özelə qarşı oxşar iddia ilə məhkəməyə müraciət edib. Buna partiya rəhbərinin 1-ci növbədənkənar qurultay zamanı prezidenti hədəf alan haqsız ifadələri səbəb olub.