Cümhuriyyət Xalq Partiyasının (CHP) keçmiş sədri, 84 yaşında vəfat edən Dəniz Baykal basdırılıb.

Pressklub.az xəbər verir ki, tanınmış siyasətçinin dəfninə Türkiyənin dövlət və ictimai xadimləri, o cümlədən ölkə prezidenti Rəcəb Tayyib Ərdoğan qatılıb.

Vida mərasim ilk olaraq CHP-nin Qərargahının önündə, sonra isə Türkiyə Böyük Millət Məclisində (TBMM) təşkil edilib.

Türkiyə Prezidenti Rəcəb Tayyib Ərdoğan dəfn mərasiminə Ankarada Ahmet Hamdi Akseki məscidində keçirilən vida mərasimi zamanı qatılıb. D.Baykal daha sonra Ankarada dəfn edilib.

Xatırladaq ki, Dəniz Baykal fevralın 11-i Ankarada evində dünyasını dəyişib. O, 37-ci hökumətdə maliyyə naziri, 42-ci hökumətdə enerji və təbii sərvətlər naziri, 52-ci hökumətdə xarici işlər naziri və Baş nazirin müavini vəzifələrində çalışıb.