Böyük Britaniya Ukraynaya bir neçə “Storm Shadow” qanadlı raket göndərib.

CNN xəbər verir ki, bu, Ukrayna ordusunun Rusiya işğalçılarına qarşı çoxdan gözlənilən əks-hücum ərəfəsində hərbi qabiliyyətini gücləndirib.

“Storm Shadow” (“Fırtına Kölgəsi”) uzaqmənzilli qanadlı raketlərini Böyük Britaniya və Fransa birgə hazırlayıb, uzunmənzilli qanadlı raketdir. O, 250 km və ya 155 mil uzaqlıqda yerləşən hədəfləri vura bilir.

ABŞ-ın adı açıqlanmayan yüksək rütbəli hərbi rəsmisinin sözlərinə görə, raket “əsl oyun dəyişdiricidir” və Kiyevə müharibə başlayandan bəri istədiyi döyüş qabiliyyətini verə bilər.

Məlumata görə, hazırda ABŞ-ın Ukraynaya göndərdiyi silahların maksimal məsafəsi təxminən 49 mil və ya təxminən 80 km-dir.

Kremlin sözçüsü Dmitri Peskov isə jurnalistlərə açıqlamasında deyib ki, Böyük Britaniyanın Ukraynaya uzaqmənzilli raketlər tədarükü Rusiya ordusundan adekvat cavab tələb edəcək.

Onun sözlərinə görə, bununla bağlı müvafiq addımlar atılacaq.