Ukraynaya təcavüz başlayan ilk gündən Rusiyanın tərəfində olan, amma açıq şəkildə müharibəyə qoşulmayan Belarus prezideni Aleksandr Lukaşenko Kiyev üçün "yeganə çıxış yolunu" göstərib.

Pressklub.az xəbər verir ki, Belarus Prezidenti bu haqda Çin mətbuatına müsahibəsində deyib.

Lukaşenkonun sözlərinə görə, Ukraynanın indi və ilkin şərt olmadan sülh müqaviləsi bağlamaqdan başqa yolu yoxdur. O, Ukrayna hakimiyyətini öz xalqının mənafeyini düşünməyə və ukraynalıların növbəti ölümlərinin qarşısını almaq üçün hər şeyi etməyə çağırıb:

“Onlar gözəl, yaxşı insanlardır. Biz bu müharibəni dayandırmalıyıq. Yalnız bir yol var – sülh”.