Martın 28-də Azərbaycanın xarici işlər naziri Ceyhun Bayramov İsrail və Fələstinə rəsmi səfərə gedib.

Xarici İşlər Nazirliyindən Pressklub.az-a bildiriblər ki o, martın 29-30-da hər iki ölkənin yüksək vəzifəli şəxslərilə görüşlər keçirəcək, həmçinin Azərbaycanın İsraildə səfirliyinin açılış mərasimində iştirak edəcək.

Xatırladaq ki, 2022-ci ilin sonunda Azərbaycan parlamenti ölkənin Təl-Əvivdə səfirliyinin və Ramallahda nümayəndəliyinin açılması barədə qərar qəbul edib.

Martın 26-da Azərbaycanın İsraildəki səfiri Muxtar Məmmədov etimadnaməsini yəhudi dövlətinin prezidentinə təqdim edib.

İsrailin xarici işlər naziri Eli Koenin isə aprelin 18-19-da Azərbaycana rəsmi səfəri planlaşdırılır. Bu barədə İsrail KİV-i məlumat yayıb.

Həmin günlərdə Bakıda İsrail - Azərbaycan hökumətlərarası komissiyasının iclası keçiriləcək.

Xatırladaq ki, martın 29-da Azərbaycanın xarici işlər naziri Ceyhun Bayramov İsrailə gedib. İsraildə Azərbaycanın səfirliyi açılacaq.