Azərbaycanlı xilasedicilər Türkiyənin Kahramanmaraş bölgəsində axtarış-xilasetmə işlərini davam etdirirlər. Pressklub.az-ın hadisə yerində olan əməkdaşı xəbər verir ki, fevralın 14-də səhər saatlarında xilasedicilərimiz bir ailənin uçqun altında qalmış 3 üzvünün cəsədini çıxarıblar.

“Şəhərin Hayrullah məhəlləsində yaşayan 4 nəfərlik ailənin 3 üzvü – ana və iki oğlu uçqun altında qalıb, həyatlarını itiriblər. Ailədən yalnız ata sağ qalıb. Neçə gündür, onların axtarışı gedirdi. 3 gün əvvəl ana və bir oğlunun cəsədi çıxarılmışdı. Bu gün isə xilasedicilərimiz o biri oğulun cəsədini çıxara bildilər. Oğlanlar ekiz olublar” - əməkdaşımız Seymur Kazımov xəbər verir.