Naxçıvan Muxtar Respublikasının Şahbuz rayonu istiqamətində əlverişsiz hava şəraitində itkin düşən hərbçilərimizdən biri barədə məlumat var.

Ermənistan KİV-lərinin məlumatına görə, aprelin 10-na keçən gecə azərbaycanlı hərbiçi Ermənistanın Sisian mahalının Bnunis kəndidənki evlərdən birinin qapısını döyüb. O, yerli polis tərəfindən saxlanılıb. İddia edilir ki, orada başqa bir azərbaycanlı da var və o, gizlənmiş ola bilər. Ermənilər ərazidə axtarış aparırlar.

Sosial şəbəkələrdə yayılan videogörüntülərdə mülki geyimli şəxs Azərbaycan dilində azdığını və üç gün meşədə qaldığını deyir.

Qeyd edək ki, bəhs edilən kənd Ermənistan-Naxçıvan sərhədindən təxminən 10 km məsafədə yerləşir.

[video width="738" height="1280" mp4="https://pressklub.az/wp-content/uploads/2023/04/041000060749.mp4"][/video]