Avropa İttifaqının Rusiyaya qarşı beşinci sanksiya paketinin hansı sahələri əhatə edəcəyi məlum olub.

Yeni sanksiyaların müddəalarını Avropa Komissiyasının Prezidenti Ursula fon der Lyayen açıqlayıb.

O, Twiter səhifəsində yazıb:

“Rusiya Ukraynanın dinc əhalisinə qarşı qəddar, amansız müharibə aparır. Bu gərgin məqamda təzyiqləri davam etdirmək lazımdır. Bu gün beşinci sanksiyalar paketini təklif edirik.

Beləliklə:

- Rusiyadan ildə 4 milyard avro dəyərində kömür idxalına qadağa qoyulmasını,

- Rusiyanın 4 əsas bankı, o cümlədən Rusiyanın ikinci ən böyük bankı olan VTB ilə tam əməliyyat qadağası qoyulmasını,

- Rusiya və Belarus gəmilərinin Avropa İttifaqı ölkələrinin limanlarına çıxışının yasaqlanmasını,

- Rusiya və Belarusdan 10 milyard avro dəyərində yarımkeçirici, maşın və nəqliyyat avadanlığının idxalının qadağan olunmasını,

- Rusiya və Belarus nəqliyyat şirkətlərinin işləməsinə qadağa qoyulmasını,

Aİ dövlət alışlarında Rusiya şirkətlərinin işləməsi və Rusiya dövlət orqanlarına istənilən maliyyə yardımı göstərilməsinin qadağan edilməsini təklif edirik”.