Azərbaycanın sözünün və səsinin peşəkarcasına yayılmasına dəstək olaraq, Milli Qəhrəman Çingiz Mustafayev adına Fond milli medianın inkişafı, jurnalistlərin həvəsləndirilməsi və istedadlı mütəxəssislərin tanıdılması məqsədilə “İLİN JURNALİSTİ” nominasiyası üzrə müsabiqə elan edir. 

Müsabiqəyə bu müsabiqə elan olunan günədək son 1 ildə yayımlanmış və ya dərc olunmuş materiallar təqdim edilir. 

Müsabiqədə kütləvi informasiya vasitələrində çalışan və müstəqil fəaliyyət göstərən jurnalistlər, reportyorlar, rejissorlar, operatorlar, fotoqraflar, aparıcılar iştirak edə bilərlər. 

Müsabiqədə hər nominasiya üçün bir yer və bir mükafat nəzərdə tutulub:

1. a. İlin Ən Yaxşı Videoreportyoru (televiziyada)
2. b. İlin Ən Yaxşı Videoreportyoru (sosial mediada)
3. İlin Ən Yaxşı Televiziya Filmi 
4. İlin Ən Yaxşı Audioreportyoru
5. a. İlin Ən Yaxşı Jurnalist Məqaləsi (çap KİV-də)
6. b. İlin Ən Yaxşı Jurnalist Məqaləsi (sosial mediada)
7. İlin Ən Yaxşı Operatoru
8. İlin Ən Yaxşı Fotoqrafı
9. a. İlin Ən Yaxşı TV Aparıcısı (qadın)
10. b. İlin Ən Yaxşı TV Aparıcısı (kişi)

1. Müsabiqəyə yalnız elan olunmuş nominasiyalara dair materiallar qəbul ediləcək.
2. Müsabiqəyə materialların qəbuluna dair son tarix 20 avqust 2021-ci ildir.

1. Adı, Soyadı
2. Yaşadığı ünvan
3. Ev və ya iş telefonu 
4. Mobil telefonu (whatsapp və ya telegrama çıxışı olan)
5. E-mail ünvanı