FIFA Braziliya – Argentina görüşünü dayandırıb

FIFA 2022-ci il dünya çempionatının Braziliya və Argentina yığmaları arasındakı seçmə oyununu dayandırıb.

Bu qərar görüşün rəsmi şəxslərinin qərarından sonra qəbul olunub. Daha ətraflı açıqlamanın tezliklə veriləcəyi bildirilib.

Qeyd edək ki, görüşün əvvəllərində Argentina millisi meydanı tərk edib. Bu, meydana polis və miqrasiya xidməti əməkdaşlarının daxil olmasından sonra baş verib. Onlar koronavirus qaydalarını pozan 4 oyunçu – Emiliano Martines, Emiliano Buendia, Lo Çelso və Kristian Romeronu deportasiya etmək istəyiblər. Həmin futbolçular 10 günlük karantinə əməl etmədən Braziliyaya daxil olublar. Böyük Britaniyadan gələnlərin karantində olmaları vacib sayılsa da, argentinalılar İngiltərə klublarında çıxış etmələrinə rəğmən. krallıqda son zamanlar olmadıqlarını bildiriblər.(Report)