Rusiyanın İvanovo vilayətinin Furmanov rayonunda "An-22" təyyarəsi qəzaya uğrayıb.

Bu barədə "REN TV" mənbəyə istinadən bildirib.

"An-22" təyyarəsi Rusiyanın İvanovo vilayətindəki Uvodskoye su anbarı ərazisində qəzaya uğrayıb. Xilasedicilər hadisə yerinə gedib. Təyyarənin qalıqları suda tapılıb. Məlumata görə, "An-22" təmirdən sonra planlı uçuş həyata keçirirmiş.

Məlumata görə, təyyarənin göyərtəsində yeddi ekipaj üzvü olub.

Ölən və xəsarət alanlar barədə məlumat dəqiqləşdirilir.

İlkin məlumata görə, təyyarə Rusiya Federasiyası Müdafiə Nazirliyinə məxsusdur.